Ödəniş və geri qaytarma qaydaları

Son yenilənmə: 6 noyabr 2026

1. Nə satılır

Chatdue rəqəmsal xidmətə abunəlik satır: WhatsApp yazışmalarının toplanması və AI analizi üçün veb panelə müəyyən müddətə (ay və ya il) giriş. Fiziki məhsul çatdırılmır — xidmət ödəniş təsdiqləndikdən dərhal sonra panel vasitəsilə aktivləşir.

2. Qiymət və ödəniş

Paketlərin qiymətləri Qiymətlər bölməsində ABŞ dolları ilə göstərilir. Kartdan ödəniş anındakı məzənnə ilə Azərbaycan manatı (AZN) ilə çəkilir; dəqiq məbləğ ödənişdən əvvəl göstərilir və fakturada qeyd olunur.
Ödəniş Visa və Mastercard kartları ilə PASHA Bank-ın təhlükəsiz ödəniş səhifəsində aparılır. Kart məlumatları bizdə saxlanmır.
İlk 30 gün pulsuzdur və kart tələb etmir. Sınaq bitdikdə avtomatik ödəniş alınmır.

3. Avtomatik yenilənmə və ləğv

Ödəniş zamanı "Kartı yadda saxla" seçilibsə, abunəlik hər dövrün (ayın və ya ilin) sonunda avtomatik yenilənir və eyni kartdan çəkilir. Yenilənmədən 3 gün əvvəl email ilə xatırlatma göndəririk.
Avtomatik yeniləməni panelin "Abunəlik" bölməsində istənilən vaxt söndürə bilərsiniz. Paket cari ödənilmiş dövrün sonunadək işləyir, sonra yenilənmir.
Kartdan ödəniş alınmazsa, abunəlik dayanır və hesab yalnız oxuma rejiminə keçir; yenidən ödəniş edərək bərpa edə bilərsiniz.
Paketi dəyişdikdə (məsələn, daha çox nömrəli paketə keçdikdə) yeni paket ödənişdən dərhal sonra yeni dövrlə başlayır.

4. Pulun geri qaytarılması

Abunəlik rəqəmsal xidmət olduğu və ödənişdən dərhal sonra təqdim edildiyi üçün başlamış dövr üçün ödəniş, bir qayda olaraq, geri qaytarılmır. Ləğv etdikdə növbəti dövr üçün ödəniş alınmır.
Aşağıdakı hallarda ödəniş tam qaytarılır:
- eyni dövr üçün təkrar (iki dəfə) ödəniş alınıbsa;
- texniki xəta səbəbindən ödəniş alınıb, lakin paket aktivləşməyibsə;
- xidmət bizim təqsirimizlə ödənilmiş dövrün əhəmiyyətli hissəsində işləməyibsə (bu halda istifadə olunmamış hissəyə mütənasib məbləğ).
İllik paket üçün ödənişdən sonrakı 14 gün ərzində müraciət etsəniz, istifadə edilmiş aylar aylıq qiymətlə çıxılmaqla qalan məbləğ qaytarılır.
Geri qaytarma tələbi üçün info@chatdue.com yazın: hesabın emailini, faktura nömrəsini və səbəbi qeyd edin. Müraciətə 5 iş günü ərzində cavab veririk. Təsdiqlənmiş məbləğ ödənişin edildiyi karta qaytarılır; vəsaitin hesaba daxil olma müddəti bankdan asılıdır (adətən 5–30 iş günü).

5. Əlaqə

Chatdue LLC
BAYIL PLAZA. Bakı, Səbail r-nu, Neftçi Qurban 29
Email: info@chatdue.com
Telefon: +994 55 205 00 48